Cynllun Chwarae Hau Hadau

Yma yn Elfennau Gwyllt rydym yn annog plant ac oedolion i ymgysylltu â’r awyr agored, ac i ddysgu a gofalu am yr amgylchedd naturiol o’u hamgylch.

Rydym wedi cynllunio rhaglen chwe wythnos ar gyfer plant 1-5 mlwydd oed, i’w cyflwyno i natur, a’u hannog i archwilio a darganfod yr amgylchedd o’u hamgylch. Bydd pob sesiwn yn cyflawni’r 7 maes dysgu o fewn y cwricwlwm gan gynnig 3-4 gweithgaredd dros gyfnod o ddwy awr a hanner. Bydd hyn yn cynnwys byrbryd iach a diod tra bydd y plant yn gwrando ar stori thematig.

• Mae’r wythnos gyntaf i gyd yn ymwneud ag archwilio a chyflwyno’r plant i ni fel tîm yn ogystal â’r math o weithgareddau y byddent yn eu gwneud.
• Mae’r ail wythnos yn edrych ar gyflwyno pob math o anifeiliaid.
• Ar gyfer y drydedd wythnos, mae cyfle i’r plant greu sŵn!
• Mae’r bedwaredd wythnos yn annog y plant i feddwl mwy am sain a beth y gallent ei glywed wrth fynd am dro.
• Yn ystod y bumed wythnos bydd y plant yn archwilio natur yn ddyfnach, gan weld be ellir ei ddarganfod.
• Bydd yr wythnos olaf yn ddathliad o’r pum wythnos flaenorol, gan gychwyn gyda’r cyfle i greu llanast

Os oes gennych rywbeth penodol yr hoffech ei gynnwys neu os oes unrhyw newidiadau yr hoffech ei wneud, fe wnawn ein gorau i gwrdd â’ch anghenion!

Cysylltwch â Ni am fwy o wybodaeth