Rhaglenni Hyfforddi Achrededig a Di-achrededig

Darperir Elfennau Gwyllt hyfforddiant ar gyfer pob angen, oedran a gallu.

Mae Elfennau Gwyllt yn cynnig rhaglenni hyfforddi a Datblygiad Proffesiynol Parhaus (DPP) achrededig a di-achrededig. Ategir rhaglenni hyfforddi gan ethos yr Ysgol Goedwig, sy’n caniatáu i bobl dilyn eu profiad dysgu drwy ddewis eu gweithgareddau ar sail unigolion a grwpiau er mwyn annog grymuso, cyfaddawdu, gwneud penderfyniadau personol, ac adeiladu hyder.

Mae’r holl raglenni hyfforddi yn ymarferol er mwyn datblygu sgiliau caled a meddal ac yn cynnig profiad gwaith ar draws sawl maes, gyda llawer o gyrsiau’n rhedeg yn olynol i bwysleisio llwybrau gyrfa ac i gynyddu sgiliau mewn meysydd penodol. Mae rhaglenni hyfforddi achrededig hefyd yn annog hunan-fyfyrio ar ymddygiadau personol er mwyn adnabod meysydd ar gyfer datblygiad personol ac ysbrydoli newidiadau cadarnhaol.

Mae rhaglenni Elfennau Gwyllt, sy’n cynnwys gweithgareddau hwyliog ac amgen, wedi’u cynllunio i:

• Cynyddu sgiliau meddal, e.e. gweithio mewn tîm, hyder, cyfathrebu, hunan-barch
• Gwella sgiliau hanfodol, e.e. rhifedd, meddwl yn feirniadol, TG, ymchwil, a datrys problemau

Mae Elfennau Gwyllt hefyd yn cynnig mentora proffesiynol a chyngor gyrfaol.

Mae’r cymwysterau y mae Elfennau Gwyllt yn eu darparu wedi’u hachredu gan Agored Cymru ac yn amrywio o Lefel Mynediad 1 i Lefel 3 (eglurir lefelau).

Mae costau hyfforddiant yn amrywio ac yn ddibynnol ar y cymhwyster, a yw’r hyfforddiant wedi’i achredu, nifer y credydau / unedau, nifer yr hyfforddeion, hyd y cwrs a’r gweithgareddau gofynnol. Cysylltwch â ni am fwy o wybodaeth.

Cymwysterau Achrededig

Lefel Mynediad 1 - Lefel 2

• Cyllidebu
• Codi Hyder
• Ecoleg
• Yr Amgylchedd
• Iechyd a Diogelwch
• Garddwriaeth
• Datblygiad Personol
• Gwethio mewn tîm

Lefel 3

• Ymarferwyr Awyr Agored (DPP achrededig)

Caiff rhaglenni hyfforddi Elfennau Gwyllt eu hachredu gan Agored Cymru drwy TEC Wales. Fel canolfan gofrestredig Agored Cymru, mae TEC Wales yn gweithio mewn partneriaeth â sefydliadau i gysylltu eu darpariaeth ag unedau a chymwysterau achrededig.